سمير و هادي الاتنين شغالين في نفس الشركه والاتنين عملوا غلطه كبيره جدا المدير لما عرف خرب الدنيا وزعق في الاتنين وادي الاتنين اسبوع خصم سمير قال اشكر ربنا انها جت علي كده لانه عارف الغلطه قد ايه هي كبيره وتستاهل اللي عمله المدير واكتر هادي زعل جدا من كلمات المدير وحس ان المدير مش بيحبه وانه مرفوض في الشركه وحس بالخوف والغيظ وابتدي يطغي عليه احساس الصغر والرغبه في الهروب والانطواء الاتنين اتعرضوا لنفس الموقف واحد شاف ان الحمدلله انها جت علي كده والتاني حس بالمشاعر دي كلها مع انه نفس الموقف ونفس الكلام اللي اتقال لده اتقال لده هادي ماتصرفش نتيجه للموقف لكن اتصرف بالشكل ده نتيجه لشي مكبوت جواه اتحرك بسبب الموقف وخلاه يحس بمشاعر يمكن هو نفسه مش عارف ليه حس بيها بس بيستسهل انه يلوم المدير علي اللي عمله علشان مايدورش علي السبب الحقيقي للمشاعر دي ولكن الشخص ده كانت مشكلته في السنين الاولي في حياته ان ابوه شخص عصبي جدا وبيتعامل دايما بالعصبيه ولانه كان شخص مش قابل حياته فكان بيطلع ده علي عياله فهادي لما كان صغير كان جواه الم من تربية الاب ده له ولكن ماكنش ينفع وهو صغير يقول بابا وحش دايما كان بيقول انا وحش علشان كده هو اتصرف بالشكل ده والموقف ابتاع المدير مش اكتر من انه حرك جواه المشاعر اللي كان بيحسها تجاه ابوه كتير من المواقف اللي بيكون رد فعلنا فيها مبالغ فيه اكبر بكتير من حجم الموقف بتلمس شي جوانا مكسور ذي موقف هادي بالظبط والحل مش في انك تلوم حد الحل انك تدور جواك علي جذر المشكله وتعالجه وهادي هنا محتاج انه يعترف ان ابوه شخص سئ وانه سبب اساءة له وانه كان ضحيه ومحتاج يغير الصورة اللي اخدها عن نفسه {يمكن يكون الكلام بالنسبه ليكوا كلام عابر ذي اي شي قرتوه بس في ناس عامله ذي الغرقان اللي نفسه يتعلق في قشايه علشان يخلص من الالم اللي في حياته} "طبعا سمير وهادي شخصيات خياليه"